ချစ်တဲ့ကာကာတို့ရေ << ရောင်းမှား >> အကြောင်းလေး သိချင်ကြတယ်မလား။
အခုတလော အိမ် ခြံ မြေ ရောင်းဝယ်တဲ့နေရာမှာ ရောင်းမှားဖြစ်နေကြလို့ လာမေးကြတဲ့သူတစ်ချို့ ရှိနေပါတယ်။ သူတို့အခြေအနေကို စိတ်မကောင်းဖြစ်မိတာကြောင့် ရောင်းမှားဖြစ်နေခြင်းမှ ရှောင်နိုင်ကြဖို့ အခုလိုတင်ပေးလိုက်ပါတယ်နော်။
အိမ် ခြံ မြေ ရောင်းဝယ်တဲ့ နေရာမှာ အတော်များများဂရုစိုက်တာက အဝယ်မှားမှာစိုးလို့ << ရှေ့နေ ( သို့ ) တတ်သိနားလည်သူ >> ကို ခေါ်လေ့ရှိပါတယ်။ အမှန်တော့ ရောင်းသူကော ဝယ်သူကော မိမိအိမ်ခြံမြေ ရောင်း/ဝယ် တော့မယ်ဆိုရင် တတ်သိနားလည်သူနှင့် ဆွေးနွေးတိုင်ပင်ပြီးမှ ရောင်း/ဝယ်တာ အမှားအနည်းဆုံးပါ။
ဒီနေ့ရောင်းမှားအကြောင်းလေးကို << Sharing >> လုပ်ပေးသွားပါမယ်နော်။
မိဘပိုင် << ပေ ၂၀*၆၀ >> ဂရန်မြေကွက် တစ်ကွက်အရောင်း ဆိုပါစို့။ ဂရန်ကတော့ တရားဝင်မခွဲစိတ်ရသေးတဲ့ << ပေ ၄၀*၆၀ >> ဂရန်မူရင်းမှာ << သီးခြားဂရန် ဂရန်အမည်ပေါက် >> ဖြစ်ဖို့က
၁။ ပိုင်ဆိုင်ကြောင်းနဲ့အရောင်းမြေပုံထုတ်ရမယ် ကြာချိန်အနည်းဆုံး << ၄ >> လမှ စာရွက်စာတမ်း << Error >> ရှိရင် နှစ်ချီလည်းကြာနိုင်။
၂။ မြေကွက်ခွဲနှင့် မြေတိုင်းမြေပုံကူး ကြာချိန် အနည်းဆုံး << ၄ >> လမှ << ၅ >> လအထက်။
၃။ တိုင်းခွဲ၊ ဂရန်ခွဲ ခန့်မှန်း << ၅ >> လ နဲ့ အထက်။ သီးခြားဂရန်ထွက်ဖို့ မကြာဘူးဆို အနည်းဆုံး << ၁ >> နှစ်ခွဲလောက် ကြာပါတယ်။
ဒီလိုအခြေအနေမှာ အရောင်းအဝယ်စရံပေးစာချုပ်အရ အချိန်ကာလအားဖြင့် << ၃ >> လ ဝန်းကျင်ကြာမှ ဒုတိယစရံပေးအဖြစ် ရောင်းကြေးငွေ၏ တစ်ဝက်ကိုပေးပြီး အိမ်ကိုလက်ရောက်ယူမည်။ ကျန်တစ်ဝက်ကို ဂရန်ခွဲအပြီး ပူးတွဲဂရန်တစ်အုပ်စီထွက်မှ ပေးမည် ဆိုတဲ့ အချက်ကြောင့် ရောင်းချသူမှ ခေါင်းခဲပြီး ပူပန်ရရှာပါတယ်။
ဒါကြောင့်မို့ အရောင်းအဝယ် စာချုပ်ချုပ်ဆိုတဲ့နေရာမှာ ပထမဆုံးညှိနှိုင်းချုပ်ဆိုတဲ့ စရံပေးစာချုပ်ဟာ သိပ်ကိုအရေးကြီးပါတယ်။ ရောင်းသူနားမလည်ရင်လည်း အကျိုးဆောင်ရှေ့နေတွေအနေနဲ့ နှုတ်ဆိတ်မနေပဲ တစ်ဖက်သတ်ဆန်တဲ့ စာချုပ်မျိုးကို မချုပ်မိစေရန် လက်တို့စေချင်ကြပါတယ်။
အိမ် ခြံ မြေ ရောင်းဝယ်တဲ့နေရာမှာ တစ်ဦးနှင့်တစ်ဦး မျှမျှတတနဲ့ အရောင်းအဝယ်ပြီးမြောက်စေဖို့ ရောင်းသူ၊ ဝယ်သူ၊ အကျိုးဆောင်အားလုံး စိတ်ချမ်းမြေ့ပြီး ညီညွတ်ကြစေကြောင်း တင်ပြလိုက်ရပါတယ်ရှင်။
***အပတ်စဉ် စနေနေ့တိုင်း အိမ် ခြံ မြေ သတင်းနှင့် ဗဟုသုတ၊ အတွေ့အကြုံများကို ညီမတို့ Housing For All Co.,Ltd မှ Sharing လုပ်ပေးသွားပါ့မယ်ရှင့်။***
***စောင့်မျှော်ဖတ်ရှုပေးကြပါအုံးရှင့်။***